Almmolaš kárten

Go áigu

• juohkit ođđa eanaopmodaga
• ráhkadit ođđa eanaláigosoahpamuša guhkkit go 10 jahkái
• registreret eanaopmodaga dahje láigoeatnama (muhto geahča maiddái kap. 27 njuolggadusas)
• merket ja čujuhit rájáid mat leat juo gávdnomis(muhto geahča maiddái kap. 21 njuolggadusas)

de ferte čađahuvvot almmolaš kárten. Mii mearkkaša ahte eanaopmodat dahje láigoeana dárkilit merkejuvvo, mihtiduvvo ja kártejuvvo. Gielddas lea mihtidanváldi ja lea geatnegahtton doallat almmolaš kártema. Almmolaš kártema jođiheaddji dahká rádjamerkema ovttas oassálaččaiguin. Jođiheaddji sáhttá bargat unnit rádjasirddašemiid jus oassálaččat dan dáhttot. Jus lea eahpádus gokko dat juo gávdnomis rádjá lea, de lea vejolaš diktit jođiheaddji mearredit dan dego soabahanduopmárin. Galgá čállot protokolla mihtideames ja devdojuvvot mihttoreivve gosa leat merkejuvvon rádjamearkkat ja kárta. Almmolaš kárten ii galgga virggálaš almmuheapmái jus dat guoskkaha rájáid mat leat juo gávdnomis go ii leat rádjasirdin.
 

Almmolaš kártema sáhttet gáibidit:

• Olbmot geain lea giddodatvuođđu("oamasteaddji")
• Gielda, fylkkagielda ja stáhta
• Olbmot geat leat láigohan eatnama guhkkit go 10 jagi.

• Jus eanaopmodat galgá juhkkojuvvot
• Jus oassi eanaopmodagas galgá láigohuvvot guhkkit go 10 jahkái
• Jus eanaopmodat dahje láigoeana galgá registrerejuvvot

Go eanaopmodat juogaduvvo, gullá almmolaš kártemii kárten- ja juohkinčađaheapmi.

Gielddastivra mearreda mávssu sturrodaga. Máksu ii galgga leat stuorát go gollohaddi.
 

Gielda sáhttá ovttaskas dáhpáhusain omd. bálkáhit eanamihtidanfitnodaga. Gielddas lea goittotge ovddasvástádus ahte kárten- ja juohkindáhpáhus bargo rivttes vuogi mielde. Don it galgga oažžut lassigoluid jus gielda geavaha dakkár bálvalusaid.