Dus lea lohpi bivdit geahččat almmolašdokumeanttaid, journálaid ja dan lágan vuorkkáid. Buot áššebáhpárat gielddas leat almmolačča jus ii leat dahkkon sierra mearrádus mii vuođđuda láhkii. Vaikke muhtun dokumeanta lea váldon eret almmolašvuođas, de galgá gielda árvvoštallat ahte galgá go almmostahttit dokumeantta ollásit dahje belohahkii. Okta dokumeanta ii leat dušše diehtu bábirhámis, muhto prinsihpas buot lágan vurkejuvvon diehtu. Dus lea goittotge dušše geahččanvuoigatvuohta dihtorvuorkkáin jus diehtu lea álkit gávdnamis.
Don sáhtát gildojuvvot geahččamis siskkáldas dokumeanttaid, muhto vuođđonjuolggadus lea ahte dus lea geahččanvuoigatvuohta dákko:
- Áššelistu dahje áššebáhpárat gielddastivrii dahje eará gielddalaš álbmotválljejuvvon orgánii
- Dokumeanttat mat leat mannamin/boahtimin gieldda dárkkistanlávdegoddái/gottis, guoddalanlávdegoddái/gottis dahje gieldda revišuvdnii/šuvnnas.
Dokumeanttat mat leat mannamin/boahtimin hálddahusa ovttadagaide/dagain main lea sierra mearredanvuoigatvuohta dokumeantta hárrái.
Jus gáibidat geahččat áššebáhpáriid, ferte gáibádus leat dihto áššái, dahje muhtun muddui dihtolágan áššiide.
Gielda sáhttá bivdit mávssu čáliheamis, máŋgemis ja sáddemis jus lea badjel 100 siiddu ovtta áššis. Dalle sáhttá gáibádus leat ovtta kruvnnu juohke siiddu ovddas mii lea badjel 100 siiddu ja olles sáddengolu. Alladáse báhpáriin lea sierra njuolggadusat.