Erenoamášoahpahus rávisolbmuide vuođđoskuvlla oahpahusa olis

Opplæringslova § 4A-2 ja kapihttal 5

Sáhtát oažžut veahki gielddas erenoamášoahpahusa ohcamii.

Gielddas lea geatnegasvuohta meannudit ášši nu jođánit go vejolaš. Jos áššis ii sáhte dahkkot mearrádus ovdalgo mánotbadji lea vássán, de galget čálalaččat dutnje vástidit mii sivva dasa lea. Galget seammás dieđihit goas lea vuordimis ahte mearrádus dahkko.
 

Gielda galgá háhkat daid dieđuid maid dárbbaša go galgá váldit mearrádusa áššis. Das maŋŋá dahkko mearrádus. Dábálaččat čuovvu vuođuštus oktan mearrádusain. Don oaččut álo vuođuštusa jos vurdojuvvo ahte šattat duhtameahttun mearrádusain. Jos vuođušus ii čuovo, de sáhtát fidnet dan go válddát oktavuođa gielddain ovdalgo mearrádusa guoddalanáigemearri lea vássán.
 

 Jos leat duhtameahttun mearrádusain, de sáhtát guoddalit mearrádusa ovdalgo golbma vahku leat vássán das rájes go ožžot mearrádusa. Čilge mainna leat duhtameahttun ja manin oaivvildat mearrádus berre rievdaduvvot. Jos dárbbašat bagadallama, de sáhtát gielddain váldit oktavuođa. Jos gielda doalaha iežas mearrádusa, sáddejuvvo ášši viidáset Fylkkamánnái, gii mearrida galgetgo vuhtii váldit guoddaleami.