Erenoamášoahpahus

Gielddas lea geatnegasvuohta fuolahit dán bálvalusa.

Don dahje du váhnemat sáhttet gáibidit ahte skuvla dahká dárbbašlaš iskkademiid gávnnahan dihte dárbbašat go erenoamášoahpahusa, ja makkár oahpahusa vejolaččat dárbbašat.
 

Gielddas lea geatnegasvuohta meannudit ášši nu jođánit go vejolaš. Jos áššis ii sáhte dahkkot mearrádus ovdalgo mánotbadji lea vássán, de galget čálalaččat dutnje vástidit mii sivva dasa lea. Seammás galget dieđihit dunnje goas lea vuordimis ahte mearrádusa sáhttet dahkat.
 

Ovdal go PP-bálvalus dahká áššedovdi árvvoštallama ja gielda dahká mearrádusa, de galget oažžut miehtama dus dahje du váhnemiin. Dus dahje du váhnemiin lea vuoigatvuohta beassat oaidnit áššedovdi árvvoštallama ja buktit cealkámušaid dasa ovdal go dahkko mearrádus. Positiivalaš mearrádus galgá aidduhit erenoamášoahpahusa mahtodaga, sisdoalu ja organiserema.

Dábálaččat čuovvu vuođuštus mearrádusa mielde. Oaččut álo vuođuštusa jos lea vuordimis ahte šattat duhtameahttun mearrádusain. Jos vuođuštus ii leat mielde, sáhtát fidnet dan go válddát oktavuođa gielddain ovdalgo mearrádusa guoddalanáigemearri lea vássán.
 

Jos it leat duhtavaš mearrádusain, de sáhtát guoddalit gildii ovdalgo golbma vahku leat vássán das rájes go ožžot mearrádusa. Čilge mainna it leat duhtavaš ja manin don oaivvildat ahte mearrádus berre rievdaduvvot. Jos dárbbašat bagadallama, de sáhtát gielddain váldit oktavuođa. Jos gielda doalaha iežas mearrádusa, sáddejuvvo ášši viidáset Fylkkamánnái, gii mearrida galgágo guoddaleami vuhtii váldit.