Fysioterapiija sáhttá addot sihke eastadandihti dahje dikšundihti buozalmasvuođa dahje vigiid. Suohkana fysioterapiijabálvalusas lea fysioterapevta juogo virgáduvvon suohkanis dahje sus lea doaibmašiehtadus suohkaniin. Sáhtát oažžut divššodeami okto dahje joavkkus. Bálvalus lea oassi suohkana fágaidrasttideaddji birgehahttin ja veajuiduhttinbálvalusas ja fállojuvvo maiddái buhcciidruovttuin.
Oadju doarju ollásit dahje oasi dain goluin mat gártet iskkadeapmái ja dikšumii fysioterapevta luhtte (muhto dušše jus fysioterapevtas lea doaibmašiehtadus suohkaniin). Divššohas máksá iežasoasi dan vuođul makkár divššu oažžu, jus juo diagnosa ii atte rievtti oažžut nuvttá divššu. Dikšu ja mátki dikšunbáikái lea nuvttá mánáide vuollel 12 jagi. Friddjakoartadoaimmaid ovddasvástádus lea sirdon HELFO:i. Geahča njuolggogeainnu dás vuolábealde.