Dus lea vuoigatvuohta buktit cealkámuša go gielda ráhkada muddenplána, ja sáhtát guoddalit gieldda plánamearrádusa. Gielda galgá danin
- almmolaččat dieđihit ahte plána galgá ráhkaduvvot, ja mo oassálastin galgá dáhpáhuvvat
- bidjat plána almmolaš dárkkisteapmái
- guktui oktavuođain dieđihit eanaeaiggádiidda ja vuoigatvuođalaččaide čálalaččat jos vejolaš
Go áigu muddet ja nuppásmuddet guovlluid gos leat viesut, de galgá gielda láhčit dili nu ahte ovttaskasolbmot dahje joavkkut geaidda dat guoská besset váikkuhit.
Muddenplána ráhkaduvvo čájehan dihte gieldda eatnamiid, jogaid, mearraguovlluid ja ássanguovlluid geavahusa ja suddjema. Muddenplána sáhttá fátmmastit ovtta dahje máŋga áigumuša, omd. huksenguovlluid, eanandoalloguovlluid ja friijaguovlluid.
Muddenplánat ráhkaduvvojit earret eará
- go gielda lea dan mearridan gielddaplána areálaoasis
- go lea dárbu gieldda oppalašgova plánema olis
- jos dáhpáhuvvet nuppástusat huksehagas billašumiid geažil (nugo buollin)
Stuorát viesso- ja ráhkadusbargguid olis lea gielda geatnegahtton ráhkadit guvlui muddenplána. Bajit plánat našunála dásis, fylkkaplána ja gieldda iežas areálaplána leat plána neavvun.
Almmolaš eisseválddit ja organisašuvnnat main leat sierraberoštumit muddenplánii váldojit ráhkkanemiide fárrui. Ránnjágielddat, fylkkagielddat ja stáhta fágaorganisašuvnnat galget buktit cealkámušaid (mearriduvvon áigemeari siste) plánii ovdal go gielddastivra dohkkeha, ja sáhttet vuosttuštit plána.