Muddenplána - priváhta

Plána- ja huksenláhka, erenoamážit §§ 15, 25, 30, 33.1 ja 42

Gielda sáhttá rávvet du galgá go bargu biddjot johtui ja veahkehit plánemiin. Don oaččut dalle dieđuid makkár duođaštusat galget leat mielde. Duođaštusat galget čuovvut plána mielde sihke almmolaš dárkkisteamis ja gielddastivrii ovdanbuktimis.

Duođaštusat sáhttet leat 

• plánakárttat 
• čilgehus 
• tevnnegat 
• čilgehus gielddalaš mearrádusaid olis
• váikkuhusčielggadeapmi plána- ja huksenlága vuođul, dalle go lea áššái gullevaš

Nu oanehaš go vejolaš ja ovdalgo guoktenuppelohkái vahku leat vássán. Evttoheaddji ja gielda sáhttiba šiehtadit eará áigemeari jos evttohus lea viiddis.

Gielda galgá meannudit ášši politihkalaš dásis. Evttoheaddjis lea ovddasvástádus almmuhit plánabarggu álgima. Go muddenplána leamaš almmolaš dárkkisteamis, meannuduvvo dat politihkalaččat gielddas ja manná das viidáset gielddastivrii, mii dahká mearrádusa áššis (eaktun lea ahte ášši ovddiduvvo gielddastivrii). Gieldda mearrádus galgá almmuhuvvot. Jos ii oainne dárbbu ovddidit muddenevttohusa gielddastivrii, de dieđihuvvo evttoheaddjái čálalaččat. Evttoheaddji sáhttá gáibidit ahte ášši ovdanbukto gielddastivrras jos hilgun guoská guvlui mii ii leat ovddežis muddejuvvon dahje jos mearkkašahtti láhkai rievdada gustojeaddji muddenplána.

• Sáhtát guoddalit gieldda loahpalaš mearrádusa. Guoddaleapmi galgá ovddiduvvot ovdal go golbma vahku leat vássán das rájes go mearrádus almmuhuvvui. Guoddaleapmi ii sáhte gustot áššiide mat leat ovdal mearriduvvon (muddenplána dahje huksehatplána guoddaleami dahje vuosttaldeami bokte). Guoddaleapmi čállo Fylkkamánnái ja sáddejuvvo gildii. Gielda sáhttá jogo ođđasit árvvoštallat ášši dahje sáddet guoddaleami Fylkkamánnái, gii mearrida ášši. Fylkkamánni mearrádus lea loahpalaš.
• Buhtadusgáibádus ferte ovddiduvvot ovdal go golbma jagi leat vássán almmuheami rájes.